1.
Mouin gingnin gnou bagay
Ki fè kè mouin kontan
Anpil moun étoné, pou ouè koman-m kontan
é ma-p toujou kontan.
éspoua-m pa sou tè sa-a,
Daprè promès Bon-Dieu.
Min-m si mouin té grangou,
Pat gin kay pou-m rété
Map rét tan-n gran jou sa-a.

Kè:
Pap gin palé fransè, konésans pral fini
Richès pral disparèt, Kris ap vini
Pap gingnin gro mésié,
Pap gingnin gro madan-m
Nou tout va min-m bagay, lè jézu va vini
Li pap vini chèché savan ak zotobré
Sèlman li va bézouin sa ki fè volonté-L
Yo va min nan la min. (bis)

2.
Anpil moun konvèti, yo pap chèché Bon-Dieu
Yapé prié sèlman pou kay avèk oto
Pou kay avèk oto, sé bagay kap pasé
Yo pa prié Bon-dieu
Pou padon péché yo, fòk nou fèt atansyon
Paské kay ak oto
Pap monté gran jou sa.

3.
Pou kapab al légliz, fòk ou byin abiyé
Sak pa gin pou-l mété, pa doué chita koté ou
Kè ou ranpli ak ògèy
Sonjé sa Kris té di avèk gran Nikodèm
Si ou ta vlé gin la vi, fòk ou né dé nouvo
é oua ouè rouayòm sa-a.

4.
La sians apé travay malgré sa sé nulman
Sak kon-n fè méchansté ap vini pi méchan
Lòm pa kap chanjé lòm sinon san Jézu-Kri
Min-m si ou té lougarou
Ou té kon-n tuyé moun
Jézu kapab chanjé ou.