3 - Mòn ki pi wo

03 Des Cantiques Spéciaux - CS / Page 479

Mòn ki pi wo

1
Frè m ak sè m yo
Vini pou nou mete n ajenou
Devan papa nou an
Pou n ba li glwa ak louwanj
Li merite pou toutan.
Mande li pen chak jou
Ak padon peche n yo tou
Chay nou santi twò lou
L ap retire l pou nou.

kè
Mòn ki pi wo
Kapab deplase
lanmè ki pi fon
Kapab separe
Kè ki pi lou yo
Kapab soulaje
Lè pitit bondye yo priye (2fwa)

2
Pou sa ki malad yo, sa ki pèdi
Ki poko jwenn bon chemen
Se pou vwa nou sonnen
Ak lafwa, konviksyon
Tout sa nou mande
Kapab rive si li vle.
An n met kè nou ansanm
Pou n fè priyè nou monte
E lè gras la va desann
Lemonn va wè se vre.

Chant du Groupe Alabanza

Groupe Alabanza

Retour