26 L'Ombre du Réveil | ORC / Page 396

26. GEN YON JOU MWEN P AP JANM BLIYE

1.
Gen yon jou mwen p ap janm bliye
Wi yon jou mwen p ap janm bliye
Se jou lè m te rankontre ak Sovè a
Li te padone peche m
Lajwa te ranpli nanm mwen
Se yon jou wi yon jou
Mwen p ap janm bliye.

Kè
Menm si m ta gen di mil ane
Pou m chante louanj pou ou Bondye
Mwen realize tout sa pa t ap janm sifi
Pou m di tout sa ou ye pou mwen.

2.
Gen yon jou mwen p ap janm bliye
Wi yon jou mwen p ap janm bliye
Se lè Jezikri te mete men sou mwen
Tout tristès mwen yo ale,
Lavi mwen te vini chanje
Se yon jou wi yon jou m p ap janm bliye.

3.
Pou tout sa Jezi fè pou mwen
Pou tout sa li pase pou mwen
Mpa konprann kòman Sovè a fè
Renmen mwen konsa
Lanmou li genyen pou mwen menm
Lapè li mete nan kè mwen
Pou tou sa, wi tout sa m pa ka janm bliye

4.
Gen yon bagay mwen pa ka konprann
Yon bagay mwen pa fin konprann
Kòman Sovè a fè renmen mwen konsa
Mwen te yon pechè kondane
Men kounye a mwen libere
Mwen ka di ou kounye a
Mwen se yon nonm ere.

26 ORC / Page 396