20 Les Cantiques de la Convention Béraca | CB / Page 467

20. BONDYE DEKLARE M JIS

1.
Mwen te pèdi nan peche
Lanmò m te merite
Bondye nan lanmou li
Pito voye Jezi mouri
San Jezi ki koule
Ka lave tout peche
Paske mwen kwè nan sa
Kondanasyon m kaba

Kè
Bondye deklare m jis
Menm si w panse m koupab
Bondye ap saktifye m,
L ap ede m pazapa
Li gen pou glorifye m
Lè l mennen m nan laglwa
Non! pa gen dout nan sa
Mwen sove, m sove nèt

2.
Mwen jwenn padon peche
Gras mwen pa t merite
Li fè m kado lavi
M ap viv pou fè l plezi
Mwen fè Bondye konfyans
L ap ban mwen plis pasyans
Pou m viv yon vi ki sen
Pou m suiv li jouk lafen

3.
Bondye toujou fidèl
Li p ap manke pawòl
Li jis, li patènèl
Li p ap pèdi kontwòl
Travay li kòmanse
Li p ap lage l nan wout
M asire m a rive
Nan syèl la kout ke kout

20 CBC / Page 467