24 - Apuiye sou mwen

24 Les Cantiques de la Convention Béraca | CB / Page 468

24. APUIYE W SOU MWEN

1.
Lè okenn moun pa pran ka m
Men yo pito pale m mal
Lè moun ou kwè pa pran tan
Pou di gade m vle ede w
Lè chay yo twò lou pou mwen
M santi m pa ta viv ankò
Mwen santi yon bra nan kou mwen
Ak yon vwa byen dous ki di:

Kè
Apuiye sou mwen
Lè w pa gen fòs pou w kanpe
Lè pwoblèm lavi mal mennen w
Mèt lage w nèt sou mwen
Apuiye w sou mwen
Lè w santi zòt blese kè w
Lè tout moun lage w, mwen rete avè w
W a konprann mwen se tout sa w bezwen

2.
Lè wout la tanmen difisil
Lè chimen an glise
M santi m pa ka kontinye
Tou de janm mwen yo vin fèb
Mwen leve je m pou gade
Yon moun lonje men ban mwen
Mwen wè se sovè m Jezikri
Vwa dous li a repete

24 CBC / Page 468

Retour