41 Les Cantiques de la Convention Béraca | CB / Page 472

41. SE WAYOM BONDYE

1.
Se Wayòm Bondye pou nou ape chèche
Se li pou nou mete an premye
Nou dwe viv jan Bondye mande
Mete konfyasn nan li
Kite li dirije lavi nou (5 liy 2 fwa)
An nou pa chaje tèt nou
Pou manje nou vle manje
Menm pou sa nou gen bezwen
Pou nou abiye
An nou pa chaje tèt nou
Pou kote nou pral rete
Kite Bondye deside pou nou

2.
Chak jou nou bezwen reyalize
Gow richès pa kapab sove nou
N ap mete Bondye an premye
Nou ba li tout kè nou
Nou remèt Bondye tout lavi nou  (5 liy 2 fwa)

Lè tantasyon yo vini
An nou fè Bondye plezi
Wi soumèt nou devan li,
Se li nou chwazi
Se pou li nou egziste
Mande li tout sa nou vle
Bondye mèt fè sa li vle pou nou

3.
Tout moun ki vle mache ak Bondye
Pa ka sèvi de mèt an menm tan
Chwazi Bondye oubyen Satan
Chwazi Bondye avan,
Ou mèt kontan ou chwazi lavi (5 liy 2 fwa).
Se Bondye nou vle sèvi
Se Bondye n ap glorifye
Li konnen tout sa nou vle
Se li nou chwazi
Se Bondye k ap gouvène
Kote li nou vle rete
Demen nou va rekòlte gras li

41 CBC / Page 472