122 - Ann chante louwanj Bondye Papa nou

122 Chant d'Espérance | CEC, Page 155

Ann chante louwanj Bondye Papa nou
Nan yon bèl kantik damou.

Kè
Paske bonte li dire,
Toujou fidèl, toujou vre.

2
Se li ki fè yon si bèl solèy,
Lalin, zetwal, tout mèvèy.

3
Li voye la wouze ak lapli
Pou grenn jèmen, plant grandi.

4
Li kòmande tout jaden fètil,
Pou fè rekòt yo anpil.

5
Remèsye li pou viv tè ak fwi
Tout danre li fè vini.

6
Remèsye li pou tout zannimo,
Pwason nan dlo, tout zwazo.

7
Gras a li, lavi n pa an danje,
Li louvri men l, nou manje.

8
Men li ban nou manje ki pi bèl,
Jezi, pen ki sot nan syèl.

9
Ann chante louwanj bon papa sa a,
Tout moun chante ak tout vwa.

Dènye kè
Papa, Pitit e Sentespri
Glwa non ou pa p janm fini

122 CEC, Page 155

Retour