125 - Senyè Jezi ki Sovè nou

125 Chant d'Espérance | CEC, Page 156

Senyè Jezi ki Sovè nou,
Nenpòt ki ras nou ye!
Nou rekonèt se ou ki mèt,
Se ou ki modèl nou.

Kè
Nan prezans ou, nou rekonèt
Kijan nou gen defo.
Ou renmen nou, men an menm tan
Ou rayi peche nou.

2
Tout panse yo ki nan tout kè
Pa kache devan ou,
Ou konnen tout, ou wè tout klè,
Pa gen sekrè pou ou.

(kè)

3
Malgre nou fèb, pa bon ditou,
Ou kite n sèvi ou.
Tout kado nou ofri ba ou,
Ou pa refize yo.

(Kè)

4
Anyen pa bon, lè ou pa la,
San ou tout travay ven.
Lonbraj kwa ou pi bèl pou nou
Pase limyè solèy.

(Kè)

5
Ou se zanmi n, Frè nou, Mèt nou ;
Kisa ou vle pou n fè ?
Se pa rit ni fòm espesyal,
Se sèlman pou swiv ou.

(Kè)

6
Nou pa wè byen, ni tande byen.
Nou pa konn priye byen.
Poutan , nou konnen byen ou se
Laverite, lavi.

125 CEC, Page 156

Retour